Þetta er að gerast

Lirfa

do — Thu, 27 Nov 2008 19:52:44 +0000

Fékk þetta þríeyki með spergilkálinu í Melabúðinni.

Lagfæringar

do — Tue, 11 Nov 2008 10:45:21 +0000

Verðlaunamynd sýnd í Sauðárkróksbíói

do — Thu, 22 May 2008 10:00:30 +0000

Myndirnar Yfirborð eftir Stefán Friðrik Friðriksson og Þjófur, þjófur eftir Ragnar P. Pétursson verða sýndar í Sauðárkróksbíói um helgina.

Yfirborð er tuttugu mínútna stuttmynd sem að vann aðalverðlaun Kvikmyndaskóla Íslands á dögunum. Myndin Þjófur, þjófur fékk einnig gríðargóðar viðtökur á sömu sýningu en hún er tíu mínútna gamanstuttmynd.

Allir eru hvattir til að mæta og er það Sveitafélagið Skagafjörður sem býður öllum frítt á þessa sýningu.

Sýningar verða:
á laugardaginn 24. maí kl. 17:00,
á sunnudaginn 25. maí kl. 20:00.

Bjarkinn í Skagafjörð

do — Sat, 17 May 2008 19:04:49 +0000

Mynd Stefáns Friðriks Friðrikssonar Yfirborð var valin besta myndin á útskriftarsýningu nemenda í dag og fékk Stefán afhentan Bjarkann.

Umsögn dómnefndar: ,,Einföld og góð hugmynd sem kemst fyllilega til skila. Myndleg frásögn, útlit og myndvinnsla í stíl við viðfangsefnið. Hlutverkaskipan og frammistaða leikara ber leikstjóra gott vitni.”

Dómnefndina skipuðu: Silja Hauksdóttir leikstjóri, Ágúst Guðmundsson leikstjóri, Hlín Jóhannesdóttir, framleiðandi hjá Zik Zak kvikmyndum og Þorsteinn Bjarnason sat sem fulltrúi útskrifaðra nemenda.

Tvær skagfirskar stuttmyndir frumsýndar á laugardaginn

do — Tue, 13 May 2008 23:38:18 +0000

Á laugardaginn verða frumsýndar 10 stuttmyndir sem eru útskriftarverk nemenda úr Kvikmyndaskóla Íslands. Meðal þessara mynda eru tvær myndir eftir Skagfirðinga, það eru myndirnar Yfirborð eftir Stefán Friðrik Friðriksson og Þjófur, þjófur eftir Ragnar P. Pétursson.

Í aðalhlutverkum í Yfirborð eru Friðrik Friðriksson og Ellert A. Ingimundarson ásamt Sigurlaugu Vordísi. Tónlistin er í höndum Helga Sæmundar og Sigfúsar Benidiktssonar (Fúsaleg Helgi). Leikarar í Þjófur, þjófur eru Jóel Sæmundsson og Davíð Þórunnarson.

Frumsýningin verður laugardaginn 17. maí í Laugarásbíói kl. 13:00. Aðgangur er ókeypis og allir eru velkomnir.