« Þrymur í úrslit
Ha hvað er að gerast! »

Íslandsmeistarar

Þrymur unnu Molda-Gnúp í úrslitaleik U-deildarinnar í körfubolta í gærkvöldi. Eftir sveiflukenndan og spennandi leik náðu Þrymsmenn að merja
sigur á lokasekúndunum með miklum sigurvilja og góðri liðsheild.

U-deildin hefur staðið yfir frá því í nóvember og spilað var í 2 riðlum, og tóku samtals 11 lið þátt í mótinu. Hafnaði Þrymur í 2. sæti í A-riðli, á eftir Moldum-Gnúp en lið Moldar-Gnúps voru ósigraðir fyrir þennan leik og hafði fyrri viðureign þessara liða endað með 32 stiga sigri Moldar-Gnúps, 79-47. Þrymur spilaði á móti sigurliðinu í B-riðli í undanúrslitum sem voru Boot Camp og sigruðu 47-42. Moldar-Gnúpur unnu sinn undanúrslitaleik á móti Oddaflugi.

Það var því ljóst að Þrymsmenn ættu við ramman reip að draga ef þeir ætluðu að hefna ófaranna frá því í fyrri leiknum. Úrslitaleikurinn var eins og áður segir æsispennandi. Liðin skiptust á að leiða með einu stigi. Moldar komust yfir 42-41 með stigum af vítalínunni þegar 14 sekúndur voru eftir af leiknum. Þrymsmenn fóru því í sókn, eftir að hafa ráðið ráðum sínum í leikhléi, brotið var á Óskari undir körfunni eftir að hann náði frákasti. Óskar skoraði af vítalínunni og 6 sekúndur eftir. Moldar áttu skot í lokin sem geigaði en náðu að blaka boltanum í körfuna en of seint því í þann mund rann leiktíminn út við lítinn fögnuð Moldar manna. Þrymur sigraði því með einu stigi, 43-42.

Þrymur U-deildarmeistari

Efri röð: Stefán Friðrik Friðriksson, Sigmundur Birgir Skúlason, Matthías Rúnarsson, Bjarni Þór Bjarnason, Stefán Arnar Ómarsson og Haukur Skúlason. Neðri röð: Davíð Orri Ágústsson, Björn Ingi Óskarsson, Óskar Sigurðsson og Ragnar Níels Steinsson Ekki á mynd: Ingvi Hrannar Ómarsson, Aðalsteinn Arnarsson og Þráinn Freyr Vigfússon.

Birt kl. 14:08, Saturday 15. March 2008 og flokkað undir Fréttir. Both comments and pings are currently closed.

11 svör við “Íslandsmeistarar”

  1. þóra karen
    15. March 2008 14:46

    til hamingju með sigurinn.. :)

  2. þóra karen
    15. March 2008 14:47

    til hamingju.. :)

  3. DeeJ
    15. March 2008 20:36

    Djöfull eru þetta flottir búningar…

  4. Ingvi Hrannar
    15. March 2008 22:10

    Frábær sigur, flott mynd og frábærir búningar!!!

  5. Ragnhildur
    16. March 2008 10:41

    NojNojNoj! Til hammó með þetta, komið sífellt á óvart ;)

  6. Biggarinn
    16. March 2008 11:51

    Hrikalega er maður stoltur af ykkur!! Til hamingju með þetta strákar. Frábærir búningar

  7. DeeJ
    16. March 2008 19:42

    Biggari - Þú veist að ,,8″ er alltaf laus fyrir þig, svona ef þú verður out of contract næsta season..

  8. Biggarinn
    18. March 2008 1:27

    Djöfuls snilld væri það ef maður gæti tekið einn leik eða svo fyrir þetta “drauma” lið. Ég heyrði í 2 mönnum sem eru í liðinu eða í kringum það í dag, en annars vildi gera mig að fjarþjálfara sem er mjög góð hugmynd þar sem ég mun eflaust vera lítið á landinu næstu misserin og er ég mjög spenntur fyrir þeirri hugmynd. Ég get þá látið ykkur heyra það í gegnum webcam ;)
    En þar sem þið eruð íslandsmeistarar þurfið þið ekki að komast í evróputúr?? Hvað væri betra en að koma í heimsókn á gamlar heimaslóðir Emma, DO, Matta og Bibba??

  9. Tungan
    18. March 2008 12:28

    Til lukku !! Glæsilegt. En maður fær óhugnalegt flashback með mynd af Jón Mars og Árna Malla í appelsínugulum glímugöllum á æfingum í horninu á íþróttahúsinu meðan maður var á körfuboltaæfingum i den þegar maður sér ykkar búninga og ekki er nafnið á liðinu ykkar að skemma það, enda sami klúbbur. En hinsvegar …algjör snilld. Til lukku. DO ertu kannski Hrói Höttur í sokkabuxum ???

  10. doson
    18. March 2008 12:51

    Ég gerði þá skissu að ætla að æfa fyrir leik, og fékk þessa rosalegu harðsperrur í kálfana. deeJ lúbbaði og nuddaði lappirnar og ákvað ég að vera einnig í þessum stálbuxum til að halda á mér hita í leiknum.
    Ég held ég neyðist til að vera í þeim í næstu leikjum, buxurnar hljóta að vera til lukku!

  11. Arna
    19. March 2008 18:35

    til hamingju :D takið ykkur ótrúlega vel út í þessum búningum :D