Helgin byrjaði á flugvellinum. Það var flugslys við suðurenda brautarinnar kl. 13:00 og í vélinni voru 30 farþegar auk tveggja flugmanna. Systir mín ásamt vinkonum hennar voru fastar í bílflaki og voru klipptar út, þ.e.a.s. bíllinn var klipptur. En allt var þetta bara æfing. Kastljósið var á staðnum og náði myndum af þessu, hvet ykkur til að fylgjast með því í vikunni.

Mitt hlutverk var að stjórna umferð á flugvellinum og var ég í rauðum Subaru (í sólbaði) út á braut í talstöðvarsambandi við flugturninn. Turnmaðurinn veitti mér svo uppl. um flugvélar og þyrlur sem voru að koma inn til lendingar, og þurfti þá að ríma flugbrautina.

Þarna erum við svo mætt til Varmahlíðar til að sjá Óperu Skagafjarðar ásamt Sinfóníuhljómsveit norðurlands flytja La Traviata. Fáninn blakti, frumburðurinn og mamman og mæðgurnar flottar. Þess má geta að hitinn var tæpar 20 gráður utandyra og eldsveitt innandyra.

Þetta var frábær sýning. Alexandra var mögnuð og sýningin í heild mjög góð. Já ég var á fremsta bekk, alveg við sviðið og innan um hljómsveitina.

Inga Birna var rúsínan og dansaði hún tangó af sinni alkunnu snilld, ef ég þekki mína dansa rétt.

Hérna er svo önnur mynd frá flugslysaæfingunni tekin á leiðinni á krók… eða hvað, er þetta sinubruni?

Birt kl. 21:15, Monday 30. April 2007 og flokkað undir Fréttir. Both comments and pings are currently closed.